花花私語 第九回 說前塵堇兒何處來

彩虹小甜甜：道伯伯，究竟我地鄉下係邊度架？

道可道：甜甜，我地係非洲紫羅蘭，叫得做非洲紫羅蘭，鄉下梗係係非洲。

彩虹小甜甜： 我話唔係喇，電視果d講大自然既片集都介紹過非洲，佢度好熱架，仲成日天旱添，我地咁怕熱，雖然唔係幾怕旱，但係同個d仙人掌無得比，如果我地鄉下係非洲，一早絕種啦，仲邊處捱得到今時今日。雖然我唔係好大個，我都知d架。

道可道：甜甜，你都識好多野。果d片集講既無錯，不過只係講左非洲一部份地方，仲有其他地方佢無講。我地鄉下係非洲既高地，有幾千公尺咁高，我地既先祖住係樹蔭底，所以特別清涼，正所謂樹大好遮蔭，就係咁解喇。

彩虹小甜甜：道伯伯，咁咪好似沙漠裡面既綠洲，沙漠雖然無水，但綠洲有，我依家明啦。

道可道：甜甜真聰明！

彩虹小甜甜：多謝道伯伯。


臘鼓頻催，好不容易又一年了。