八號仔，當年既八號仔股價穩定，又派高息，幾多人當年買八號仔都係諗住當養老金，用來保本收番多少息，若果個價升多少當bonus，勢估唔到個李x佳靠借食左八號仔，攪到八號仔揹左成身債，接住股價係咁跌，跌到今時今日得番當年既半成，八號仔小股東都唔捨得放，但願終有一日返家鄉，但係個李x佳連dd希望都唔畀班小股東，有咁盡食咁盡，一於攪私有，早前借力打力，狂派息，等自己收埋一大筆現金，趁股價低，一句私有化，食埋小股東所餘無幾d股仔！好多人因為咁臨老過唔到世，眼白白睇住個李x佳借力打力，一個仙都唔使就刮晒人地d血汗，佢就攬女印印腳消遙快活。
廢柴特衰政府粒聲唔出，只係搵幾條茂利去帶走d選票同埋投票紀錄，班PK廢柴高官年薪幾百萬，任得李x佳如取如攜，咁無天理既事係特衰政府管治底下至會出現。
七旬小股東黃伯伯唱道：「錢就俾人呃清晒，買電訊盈科後我心情好壞 ，俾佢累到我周身債，連間大屋都也賣埋，又恐怕餓死都無埞埋，最慘我本人即時買三十萬股，點知佢年年跌跌月月跌跌到五蚊都不值。我地就快畀人呃清晒，婆婆又買佢，公公又買佢，令耆英老友記棺材本都無埋。你地望清吓，原來又係官商勾結。總之有買電訊盈科呢，點呀？人人都行衰運。」
但願有日，個李x佳同埋班廢柴高官仆倒街頭，等天收！
2009-02-05
哭祭八號仔
2009-02-04
陳小文籲港人逆境自強爭民主
小市民 陳小文(化名) 在天橋底 寒天露宿時表示，2009年係非常困難既一年。不過，我地香港人經歷過無數逆境和風浪，畀特衰政府跣過痛過，得到太多慘痛既教訓同埋經驗。依家我地香港人要沉著應變，發揮逆境自強既精神，互相扶持，問題一定攪得掂！個廢柴政府叫我地"逆境自強"，即係唔好指意佢喇，佢地廢既，等佢，即係等死！各位巴打，靠自己啊！
陳小文表示，特衰政府得把口，話:「政府今年會繼續大力投資，創造就業，同時致力提升香港長遠的競爭力。如果有需要，政府一定會毫不猶疑，推出更多措施「撐企業、保就業」。」呸，保佢條命!!!投資都係去晒d奸商個袋，d奸商袋袋平安，賺大把錢，仲係咁裁員！
陳小文又表示，西方文化中，牛象徴財富和力量； 對香港人來講，牛諗起都嬲，老懵董生肖屬牛，一把牛頸，只識死做爛做，唔聽民意，假大空，再來個PK煲呔，攪到香港呢十幾年係最衰！牛年來臨，提醒我地要不斷努力，爭取普選，自己揀特首，踢走廢柴高官假大空，真正當家作主！Bravo to Hong Kong People!!!
陳小文，原係某外資公司中層人員，去年不幸被裁，現露宿新界某天橋底，新年願望是早日覓得工作，脫離露宿生涯。
============
曾蔭權籲港人發揮逆境自強精神
行政長官 曾蔭權 在禮賓府 主持新春酒會的致辭時表示，2009年很可能是非常困難的一年。不過，香港人經歷過無數逆境和風浪，跌過痛過，亦累積了寶貴教訓和豐富經驗。只要港人沉着應變，發揮逆境自強的精神，同心協力，問題一定可以迎刃而解。
他表示，政府今年會繼續大力投資，創造就業，同時致力提升香港長遠的競爭力。如果有需要，政府一定會毫不猶疑，推出更多措施「撐企業、保就業」。
他又表示，西方文化中，牛象徵財富和力量；對中國人來說，牛代表勤力。牛年來臨，提醒我們只要不斷努力，香港一定可以扭轉形勢，走上復蘇的軌道。
2009-02-02
2009-01-26
2009-01-21
又到花開時
老竇，
仲有五日又到新年，想起小時候，新年時最得閒，呢個時候，你最鍾意跟我們想當年，可惜，你講既故仔，我全都記不起。
「去年今日此門中，人面桃花相映紅。 人面不知何處去？桃花依舊笑春風。」
You don't know what you have, until it's gone.
大妹
Subscribe to:
Posts (Atom)
