哭祭八號仔

八號仔，當年既八號仔股價穩定，又派高息，幾多人當年買八號仔都係諗住當養老金，用來保本收番多少息，若果個價升多少當bonus，勢估唔到個李x佳靠借食左八號仔，攪到八號仔揹左成身債，接住股價係咁跌，跌到今時今日得番當年既半成，八號仔小股東都唔捨得放，但願終有一日返家鄉，但係個李x佳連dd希望都唔畀班小股東，有咁盡食咁盡，一於攪私有，早前借力打力，狂派息，等自己收埋一大筆現金，趁股價低，一句私有化，食埋小股東所餘無幾d股仔！好多人因為咁臨老過唔到世，眼白白睇住個李x佳借力打力，一個仙都唔使就刮晒人地d血汗，佢就攬女印印腳消遙快活。

廢柴特衰政府粒聲唔出，只係搵幾條茂利去帶走d選票同埋投票紀錄，班PK廢柴高官年薪幾百萬，任得李x佳如取如攜，咁無天理既事係特衰政府管治底下至會出現。

七旬小股東黃伯伯唱道：「錢就俾人呃清晒，買電訊盈科後我心情好壞 ，俾佢累到我周身債，連間大屋都也賣埋，又恐怕餓死都無埞埋，最慘我本人即時買三十萬股，點知佢年年跌跌月月跌跌到五蚊都不值。我地就快畀人呃清晒，婆婆又買佢，公公又買佢，令耆英老友記棺材本都無埋。你地望清吓，原來又係官商勾結。總之有買電訊盈科呢，點呀？人人都行衰運。」

但願有日，個李x佳同埋班廢柴高官仆倒街頭，等天收！