話說又到一年一度既書展，又係去趁墟執平書的大日子！長者唔止執平書，重唔執輸添。
大熱天時，大家都無乜地方好去，去書展唔單止可以嘆冷氣，重有得執平書，唔去就笨，大家一窩蜂湧晒去，攪到書展門口打晒蛇餅，排隊無得三幾粒鐘都咪使旨意入得到會場，排隊都無所謂喇，但露天排隊，無冷氣，人又多，大汗疊細汗，你都咪話。但係咁辛苦，d長者都要迫入去為乜呢？除左嘆冷氣、執平書，重有就係要特衰政府加生果金！原來d長者聽聞財爺會去書展攪座談會，扮親民，搏攞分，d長者見有此良機，重唔晨早排隊，入去會場霸番個靚位，準備面對面要你特衰政府加生果金，咪好似上次咁，阿婆叫BT加生果金，越叫越走，睬都唔睬下，諗起就嬲！
好喇，財爺今趟打響鑼鼓，話人知會帶埋BT針一齊去書展做親民show，長者見有機可乘，兼夾順便執平書，一於一早到場，擔定凳仔等財爺，叫佢加生果金，睇下到時喺咁多人面前，又困住係會場，仲有得避！
鑼鼓一響，財爺高談闊論知識如何創富，BT針係處慢打鑼之際，有一獨眼長者突然起身，大聲道：「財爺，我想講下綜援既野，你喺財政預算度畀多個月綜援，我認為唔使咁做喇，因為佢地老早食緊政府福利，做乜仲要收咁多？不如畀多一千蚊過無領綜援既長者好過喇…」仲未講完，主持人打斷長者發言，但係長者都唔弱，立即以字正腔圓既英文回敬： 「Please listen to my question！我只係想財爺正視呢群無攞綜援既長者，佢地對社會有貢獻，有骨氣，唔想靠政府，所以政府更加應該照顧佢地…」
場內「實Q」立即上前安撫兼攞走長者支咪，主持人示意財爺快d回應，免得其他人起哄，但財爺未及開口，又有聽野麻麻地既長者大聲猛講：「聽唔到，大聲d！」BT針忍唔住幫口，叫長者畀財爺答左先，呢位長者中氣十足講：「我只係要你答我會唔會派一千蚊，好簡單！」喺度趁熱鬧既人同其他長者大笑起來。
你一言我一語，攪左成十分鐘，財爺至有機會回應，佢話聽到長者既聲音，又話政府會考慮考慮，叫長者唔使太擔心。呢d咁既公關回應，真係聽到悶。
今時今日既長者真係唔講得笑，佢地鍥而不捨，又識走位，後生仔學野啦！
2008-07-28
長者真厲害！
2008-07-23
徵求靚花
網上見以下留言。
麻麻美雅：「最近好鍾意呢隻靚花，唔知大家有無球根、種子、小苗、成株？如果有既話，請pm我，希望要特別 d ，謝謝！」
森美阿巴：「你想要幾特別呀？」
麻麻美雅：「咁你有d乜？希望唔係花墟貨色囉。」
森美阿巴：「我乜都有，錢你又有幾多？」
…
2008-07-17
民望於我如浮雲
昨日，除左大舊石既「親疏有別」一石激起千重浪外，計數界議員Madam譚又激中BT死穴。
BT近期認真唔老泥，民望插水，仲係唔及格果隻，Madam譚唔知有心整蠱定係乜，喺口水大會提及BT民望插水，同股市有得fight，BT幾乎頂唔順，想兜巴星佢，但係記起BT嫂喺佢臨出門時，畀左張粉紅"忍"字咭過佢，喺衫袋捻出來睇左一眼，諗起人地阿爺睇緊直播，唯有嗗聲吞左啖氣，同Madam譚講左句肺苦之言：「民望對我來講，好似浮雲咁啫。」
坐喺電視機前面既一眾小民，聽完BT咁講，即時諗起超記同佢間福佳超市：「不義而富且貴，於我如浮雲。」間福佳超市靜靜雞先加後減，加幅大過通脹，仲要要脅代理，除左上架費，如果代理賣野平比其他商舖，間福佳超市以後唔入佢d貨。你話呀，呢d富貴，到底義唔義呢？喺呢d咁既環境下，一眾小民認真既福且佳囉。
BT釋「親疏有別」真義
昨日，BT去左特衰立法會一年一度既口水大會，其精彩演出，真係令人嘆為觀止！
尊貴既立法會議員大舊石問BT，會否放棄其「親疏有別」既思維？唔知BT係唔係國文老師上身，亦或當左立法會係課堂，尊貴議員係學生？侃侃大談何為「親疏有別」，同埋其準確意思，佢一臉認真，循循善誘咁細解：「所謂親，就係親近市民，以市民利益為優先；所謂疏，就是疏遠市民，以從政者的政治為優先。」電視所見，班長與及各大小學生莫不聽得目定口呆。
兩年前，BT曾表示政府和社團的關係有「親疏」，籠統來說，與保皇黨既關係密切過泛民。BT既喉舌報怕大家讀得書少，聽唔明，再加展釋，曰「親疏有別」論只是表示BT政府及其管治班子對待各社團既態度有所差異，blah blah blah，諸如此類，等等。
今聽得BT又另作解釋，眾人一時間唔知邊句真邊句假咯。
2008-07-16
Teeny Bopper
Teeny Bopper (5017) 08/27/1982 (L. Lyon) Single purple. Pointed, tiny. Miniature trailer
african violets
2008-07-12
對付民調
仲有三個月，又到特衰立法會選舉，人地阿爺財雄勢大，要人有人，要錢有錢，專車接送長者投票，仲攪埋票站調查，務求配票贏盡。雖然話泛民人窮，無財無勢，但係你有張良計，我有過牆梯，你做調查，我咪玩番你轉頭囉。
各位巴打and是士打，如果有人打電話畀你，或者喺街頭做問巻，問你立法會支持乜水，一於答： 保皇黨！
BT又派糖
BT民望連續兩、三個星期插水，最新既支持度連五成都無，兼且畀佢阿爺訓斥佢無"強政勵治〞，唔"通情達理"，又無"高效團結"添，為咗唔步老董後塵，唯有急急補鑊，免得任期未完，要砌詞走人。
自從民望插水，BT已經醒水，落區去下油坫，去下超市，體會下民情喎，但係，得把口"知啦"，有鬼用咩，民望繼續跌，昨日又去探老人家，跟住放風話會派十億，紓緩市民的通脹壓力，其實咪又係益咗班商家佬，補助電費？益賺到盆滿缽滿既電力公司；補助書簿費？等書商明正言順賺多d！電力公司年年賺大錢，仲成日加； 書商就借改版，迫人買新書，太陽底下無新事，有無咁野要改呀！仲用埋晒d鬼迷咁靚既紙印書，彩色印刷，讀書求知識啫，求其薄薄地，黑白都係咁讀架啦。呢d咁既鬼計，BT又唔去郁佢。加埋兩大超市壟斷市場，出埋d古惑招，似減實加，又唔見BT快快手手攪掂佢。
剩係識摖鞋，諗計玩親疏有別，用人唯才有無讀過呀？你當年讀屎片架？
Little Darin'
Little Darin' (Lyon's) Double light pink stars with a darker pink center and at times green on the edges. Miniature green foliage.
african violet
2008-07-06
長毛去唔到災區之禍兮福所伏
尊貴既長議員去唔到災區探熊貓，無得表演，無得同熊貓玩，禍呀！
不過，毓民話齋：「福兮禍所倚，禍兮福所伏。」去得到未必好，畀你去到災區，得意忘形，同熊貓玩到顛，搞到d熊貓個心愴晒，d熊貓轉頭同人地阿爺要熊貓權，要自主幾時開餐食竹葉，幾時keep fit one more two more，如果重開埋聲要人地阿爺徹查豆腐渣工程，問人地阿爺點解傍邊d老虎屋，犲狼屋只係裂少少，佢地間熊貓屋一震就冧，人地阿爺真真多得你長議員唔少。到時人地阿爺惱羞成怒，唔畀你走，日日要你掃熊貓既便便，你長議員未必頂得順。
唔畀你去，都係為你好，好似香江無普選咁，就係唔想你班人太多選擇，日日內鬥，攪到飯都無得食，都係為你地好，福呀！
長毛去唔到災區
尊貴議員有幸參與BT執導既影畫戲，往災區訪熊貓，眾泛民見難得有此機會出場表演，事前準備一番，望做場好戲，到九月時撈多幾張選票，泛民中以長議員最囑目，因長議員一向同人地阿爺對著幹，人地阿爺叫佢收聲搞和諧，佢卻勢要追查豆腐渣工程。
今趟人地阿爺為左挽救BT插水民望，迫不得意同意BT呢台戲，但係勢估唔到BT會畀長議員走左上台。眼見長議員坐緊車，去緊機場，狗急跳牆，一於唔發入境紙畀佢，等佢去唔到災區表演。
早前中外稱讚既咩野開放畀各界記者採訪，訪乜都得，刋乜都得，天災囉喎，梗係得喇，唔關佢事嘛，但係到左查人禍，身有咩野既時候，重唔閉門不納咩！
多謝長議員，又一次迫到人地阿爺露出真面目。
Sinningia Rio das Pedras (sport?)
這超迷你岩桐，是友人送我種子繁殖的，眾多種子只有一棵能長大，這岩桐自我授粉結果能力極強，每朵花也能結果，初時每果也留，部份送人，部份自己種，後來實在太多了，索性一見花謝即剪掉。
這岩桐的花是藍白相間，跟Sinningia Rio das Pedras 淺藍不一樣，可能變異了！
2008-07-04
合桃麥包 (麵包機食譜)
合桃麥包 (麵包機食譜)
麵包機： Kenwood BM-250
材料：
1杯暖水(45° C)
3湯匙砂糖
2茶匙乾酵母 (active dried yeast)
2湯匙芥花籽油
1湯匙蜜糖
2-1/2杯高筋麵粉(strong white bread flour) (約340g)
1/2杯高筋麥麵粉(strong wholemeal flour) (約68g)
1-1/2茶匙鹽
1/4茶匙黑胡椒粉
1/2杯碎合桃
做法：
一) 將暖水放入麵包機內盆，加乾酵母，拌勻，靜置十分鐘，待出現氣泡備用。
二) 除碎合桃，餘下材料依序加入麵包機內盆，或按麵包機指示放入材料。
三) 材料攪拌五分鐘後，檢查麵團會否過乾或過濕。如果太濕的話，可加一至兩湯匙麵粉。太乾，加一至兩湯匙水。每次加一湯匙麵粉或水，觀察麵團濕度，決定是否再添加麵粉或水。
四) 麵包機搓麵包時，響起”咇”聲時加入碎合桃。
五) 選擇”basic/white”，”750g/1.5 pound”，低金黃度。
六) 完成程序後，麵包脫模，待涼切片。若麵包刀鋒利，可趁熱切片食用，更加滋味！
成績：
這個包的味道有點鹹，些少微辣，很鬆軟和濕潤，不塗醬，不放餡料，也非常好吃！
製作麵團
攪拌成團
添加合桃
第一次發酵
發酵完成
焗好了！
開餐…參考食譜：http://allrecipes.com/Recipe/Best-Bread-Machine-Bread/Detail.aspx
Best Bread Machine Bread (1.5 pound loaf)
INGREDIENTS
* 1 cup warm water (110 degrees F/45 degrees C)
* 2 tablespoons white sugar
* 1 (.25 ounce) package bread machine yeast
* 1/4 cup vegetable oil
* 3 cups bread flour
* 1 teaspoon salt
