BT釋「親疏有別」真義

昨日，BT去左特衰立法會一年一度既口水大會，其精彩演出，真係令人嘆為觀止！

尊貴既立法會議員大舊石問BT，會否放棄其「親疏有別」既思維？唔知BT係唔係國文老師上身，亦或當左立法會係課堂，尊貴議員係學生？侃侃大談何為「親疏有別」，同埋其準確意思，佢一臉認真，循循善誘咁細解：「所謂親，就係親近市民，以市民利益為優先；所謂疏，就是疏遠市民，以從政者的政治為優先。」電視所見，班長與及各大小學生莫不聽得目定口呆。

兩年前，BT曾表示政府和社團的關係有「親疏」，籠統來說，與保皇黨既關係密切過泛民。BT既喉舌報怕大家讀得書少，聽唔明，再加展釋，曰「親疏有別」論只是表示BT政府及其管治班子對待各社團既態度有所差異，blah blah blah，諸如此類，等等。

今聽得BT又另作解釋，眾人一時間唔知邊句真邊句假咯。