你係唔係中國人？

聖火喺佢阿爺地頭傳遞時，大批心懷火紅心既愛國人仕，晨咁早一家大細，身穿紅衫，上寫阿爺加油，帶埋大旗細旗，去傳遞聖火沿路，諗住為佢阿爺納喊助威，點知…

好位置已經畀佢阿爺組織既群眾佔據晒，插針唔入。心懷火紅心既愛國人仕唯有老遠企喺大廈門口既梯級，或者爬上圍欄，又或者爬上車頂，連呢d位都無既時候，就舉高部相機，影張相睇下都好。

唉，你當佢係寶，佢當你係草。有人有唔同意見或者提出批評，心懷火紅心既愛國人仕就捽人:「你係唔係中國人？」你咁「愛國」又點，你阿爺眼尾都唔望下你，醒下啦。