造假又如何？

人地阿爺辦喜事，梗係要搞場 show， 歌舞昇平贈下慶，十全十美既，威畀番外人睇！

人地阿爺諗住搵個人靚聲甜既小妹妹，喺個晚場 show 唱歌大家開心下，但係搵勻成條村都搵唔到，搵到個樣 pass，但係把聲唔多啱 key，到得把聲 al-light 啦，就唔多 liKE 個樣。

人地阿爺睇得戲多，唔識拍都識抄啦，一於搞幕後代唱，咁就樣同把聲都 al-light。

當晚人人喊好，very good 啊！

點知過左幾日，其中一個贈慶節目既負責人出來自爆，首歌唔係小妹妹唱架，係村代表話個小妹妹d key 唔多啱，搵人幕後代唱。d 番外人知道左，又借勢呱呱嘈，話人地阿爺造假呃人。

有人地阿爺條靚喺人民台講，拍戲都係造假架啦，阿爺都係力盡完美啫。好心佢唔係以為人人都好似佢咁無知，戲係假既，係人都知。但係，個小妹妹幕後代唱單野，人地阿爺個電視台，大大隻字寫住台上人主唱，擺明呃觀眾。

人皆盡知，世事難有完美，也明白各有各美。但人地阿爺只知要面子，其他一概不知不理。