正版 Tinker Bells 是 (8419) 03/08/1996 (H. Pittman) Double pink frilled bell. Variegated dark green and white, plain. Semiminiature,這個錯版Tinker Bells,鐘不成鐘,花瓣裂開,跟花粉囊差不多大小,開的時間不長,大概三四天凋謝。花形跟正版完全不同,百份百sport,至於是否人見人愛,盆見盆栽,那就見人見智了。 ^^
African Violet
2007-09-13
趣怪 Tinker Bells Sport
2007-09-06
Optimara Little Opal
2007-09-04
Optimara EverLove
Thunder Surprise Sport
2007-09-03
種堇Q&A
零七年九月二日
Q1 我有一棵非洲紫羅蘭,種了一年多,想換泥,市售的非洲紫蘿蘭培養土,還是普通的培養土好呢?
A1 非洲紫羅蘭喜歡的疏鬆、透氣和保水的培養土,只要培養土有這特質就行了。市售的培養土,大部份都含大量泥炭土和少量珍珠岩,此類培養土,泥乾時不大吸水,待得吸滿水時,卻又太黏結不太透氣。因此,最好自己調配,一般流行的配方為一份泥炭土(peat moss),一份金泥 (vermiculite),一份珍珠岩(perlite),少量活性炭和熟石灰(dolomite lime)。
Q2 半年前朋友送我一片非洲紫羅蘭葉片,現在長了三、四棵小苗,葉片有1cm大了,準備分苗,要用多大的盆呢?
A2 關於用盆,因非洲紫羅蘭要待根糸長滿盆才長花,故用盆宜小不宜大。有一簡單原則,盆的直徑是葉幅的三份一,比如植株的葉幅六吋,盆的直徑兩吋。 通常,標凖植株用7cm盆,半迷株用5.5cm盆,迷你株用5cm盆,至於懸垂品種,多採用淺而闊的花盆栽種。
Q3 甚麼時候落肥?應該用甚麼肥?
A3 簡單來說,應在植株的生長期施肥,休眠或根未長定時停肥。小苗和中苗每週施平均肥一次,可選10:10:10;成株則平均肥、花肥輪流各一週一次,花肥可選12:36:14, 每月用清水沖洗培養土一遍,防止積聚肥料鹽。
非洲紫羅蘭根糸細小,謹記施肥宜淡不宜濃。
Q4 夏天時,非洲紫羅蘭不單沒長大,還長得很醜,怎麼辦?
A4 非洲紫羅蘭原生長於清涼的地方,最愛21C ~ 24C,生長最快,若溫度連續多天高於30C,植株停止生長,花瓣變形,有些品種的葉片亦會變形。若果低於15度,植株停止生長。遇上高溫天氣,若能擺放在有冷氣地方,植株正常生長。如種在沒冷氣的地方,盡量放在陰涼處,停肥,只澆清水,到秋涼時,植株回復生長。
Q5 非洲紫羅蘭有何常見蟲害?
A5 常見蟲害為粉介殼蟲(mealy bugs)、薊馬(thrips)和蟎(mites)。粉介殼蟲又名綿花蟲,侵害非紫羅蘭的有兩種,粉介殼蟲和泥土粉介殼蟲,粉介殼蟲白色,樣子似一團綿花,附在葉底、莖部食汁液,約1/32至1/16吋長,容易發現。泥土粉介殼蟲(soil mealy bugs)樣子和粉介殼蟲一樣,較細小,長約1/16吋,生活於培養土中,專吃根尖,使植株不能吸水。
薊馬是一種很小的飛蟲,只要留心細看,肉眼能見,愛吃花液,在葉背孵卵。
侵害非洲紫羅蘭的蟎主要有兩種,cyclamen mites和broad mites,蟎極細小,單憑肉眼,很難看見,可用廿倍或以上放大鏡察看,怕光怕熱,愛吸食葉的汁液,吸食汁液同時,注毒液入葉片內。
侍續
2007-08-30
花花私語 第八回 爭普選你我齊發聲
花塔餅:Hello darkness, my old friend,
I've come to talk with you again,
Because a vision softly creeping,
Left its seeds while I was sleeping,
And the vision that was planted in my brain
Still remains
Within the sound of silence.
In restless dreams I walked alone
Narrow streets of cobblestone,
'Neath the halo of a street lamp,
I turned my collar to the cold and damp
When my eyes were stabbed by the flash of a neon light
That split the night
And touched the sound of silence.
And in the naked light I saw
Ten thousand people, maybe more.
People talking without speaking,
People hearing without listening,
People writing songs that voices never share
And no one dare
Disturb the sound of silence.
"Fools" said I, "You do not know
Silence like a cancer grows.
Hear my words that I might teach you,
Take my arms that I might reach you."
But my words like silent raindrops fell,
And echoed
In the wells of silence
And the people bowed and prayed
To the neon god they made.
And the sign flashed out its warning,
In the words that it was forming.
And the sign said, "The words of the prophets
are written on the subway walls
And tenement halls."
And whisper'd in the sounds of silence.
蛋散:二零四七?過份左d喎。
2007-08-20
Princess Blue Eyes
2007-08-14
瓶栽Teeny Bopper
材料:Teeny Bopper成株一至兩棵、有蓋玻璃瓶一隻、細號陶粒、大粒珍珠岩、三合一植料和水各適量。
工具:針筒(已去針咀)、尖咀夾、長柄小匙。
做法:
(一) 洗淨玻璃瓶晾乾。
(二) 先放一層陶粒於玻璃瓶底,接著放一層大粒珍株岩,再放一層三合一植料,各層高約一公分 (1cm)。
(三) 用針筒吸水,沿玻璃艵內傍注入。待陶粒、珍珠岩和植料濕透即可。
(四) 用牙籤之類,於三合一植料開一小穴,用尖咀夾小心放植株入玻璃瓶。
(五) 植株根團放入小穴,用小匙舀泥,覆蓋根團。
(六) 蓋上玻璃瓶,放陰涼光猛處。約一個月根長定後,添加適量肥料棵粒。
(七) 一年換泥一次。
註:三合一植料是比例均等的泥炭土、金泥和細粒珍珠岩。
Teeny Bopper (5017) 08/27/1982 (L. Lyon) Single purple. Pointed, tiny. Miniature trailer
African Violet 非洲紫羅蘭
Heartland's Heirloom Lace
2007-08-13
花花私語 第七回 傻鬥傻傻人群傻人
花塔餅:甜甜妹妹,你近排有無發覺SillyGirl有d唔對路?
彩虹小甜甜:無喎,點解咁講呀?
花塔餅:你最近唔見佢成日問埋晒d傻問題咩?我怕佢…
殺牠死:唔係卦,最近佢都有定時定候淋水。
花塔餅:你地梗係無聽過佢d問題喇,一時問人佢幾時發達,一時又問人點解頭暈,仲問要隔幾耐至食飯,問埋晒d咁傻既問題,你地話佢係唔係有d唔對路。
彩虹小甜甜:真係!? 佢平日都有d傻更更咁架啦,會唔會返工辛苦過頭,神經有少少問題呢?如果係真,咁我地點算好?
殺牠死:無咁易,可能佢近得佢d fan 多,變成咁。或者你地無留意,佢d fan 週不時問人d花幾時開,幾時換泥,點樣切葉,乜資料都無。
花塔餅:咁唔怪得之SillyGirl攪成咁囉,群埋成班咁傻既人,唔傻都變傻啦,唉!
彩虹小甜甜:好彩唔係short左啫。
窗外蔭晴不定,何時一人一票選特首?
花花私語 第六回 毒食物狗仔憂安危
大b:錢錢,睇你個樣,好憂心咁既?
細b:係囉,講我地知啦,話唔定我地幫到你呢。
錢錢:唉! SillyGirl話牛有瘋牛症唔食得,魚又話有雪茄毐,雞又話有乜野流感都唔食得,家下豬又有d乜野,我都唔係好記得係乜野,好似係乜野球菌,連豬仔都 無得食,乜都唔食得,d人會食狗仔架啦,叫我出街一定要跟實佢,如果唔係,一下就畀人笠左去。你地知啦,我出街最鍾意周圍巡下,我驚一下唔記得,行開一 陣,咁就畀人笠走左,唔單止見唔到SillyGirl同婆婆,上埋狗仔天堂就慘啦。
細b:係喎,又真係幾得人驚。
大b:哎呀!咁講法,我地都有難。
細b:點解呀?
大b:你無聽SillyGirl講咩?d菜都有過量農藥呀,容乜易d人食到無得食,連我地咁毛茸茸既堇都食埋!我同你仲咁細個,咁快去堇天堂就唔抵啦。
錢錢:你兩個依家明啦。唉!
彩虹小甜甜:你三個做乜係到唉聲嘆氣呀?
大b:甜甜姐姐,d人就來連我地同埋狗仔都要食架啦。
彩虹小甜甜:咁大件事!點算呀?
殺牠死:你地幾個做乜咁嘈,剛剛至瞌著,就畀你地嘈醒。
彩虹小甜甜:殺牠死大哥,d人就來要食我地啦,你仲瞓!
殺牠死:點解咁講?
大b:依家d人豬牛雞同菜都唔食得,無野食,咪連我地都打主意囉,狗仔都唔放過。
錢錢:係呀,殺牠死大哥,SillyGirl同我講,話d人會笠狗仔,叫我出街一定要跟實佢。
殺牠死:係就係好多野唔食得,但係都係一區區唧,未至於全部唔食得,你地唔使咁驚。呢區既野唔食得,d人咪食第二區既,放心啦。
細b:真係?咁都定d。
錢錢:話就咁話唧,都係跟實d好d。
彩虹小甜甜:錢錢,你記緊啦。
窗外絲絲小雨,灑得遠山一片翠緣,暑氣稍稍減退。
花花私語 第五回 炎夏至嚴防SillyGirl瞎攪
彩虹小甜甜:嚇死人啦!
花塔餅:甜甜妹妹,乜野事咁驚?
殺牠死:甜甜妹妹,唔使驚到d葉都變晒色,話我知,萬大事有我。
彩虹小甜甜:你地有無聽見SillyGirl同d fan講,話乜野係高溫底下種AV喎。
花塔餅:呢輪咁熱,都無乜心神聽佢地傾偈,只係隱隱約約聽到乜野三十幾度,又話乜野攞幾株試下。
殺牠死:我以為乜野咁大件事,呢單野我知,初初以為有乜野大發現,聽聽下就知無料到。聽咁耐,你地有無見到乜野真憑實據呀,班人得把口,佢話佢有幾多株花就算係高溫都生得幾好,佢又話佢有株乜乜物物係高溫底下仍然開花開得好靚,花呢?你地有無見過?
花塔餅:殺牠死大哥確係英明神武,心水清。畀你一提,諗下諗下,又真係無見過d花花。話時話,就算佢地攞d相出黎都唔好信,點知幾時影,佢地講幾時幾日影既都得喇,邊個知。
彩虹小甜甜:佢地真又好,假又好,都唔關我事,我最驚係SillyGirl 傻起上黎,真係將我地擺係高溫處,咁我就命仔難保喇。
殺牠死:唔會卦?雖然我夠強夠壯,但係如果果個SillyGirl 真係咁攪法,睇怕最多得番半條命仔。
花塔餅:嘩,咁仲得了!點算呀?
彩虹小甜甜:咁樣?咁樣?呀!不如咁啦,有乜依郁,立即搬去Pat姐姐屋企啦。
殺牠死:我地咁大棚,我驚Pat姐姐屋企住唔晒。
花塔餅:點算呢?點算呢?諗到啦!我地分散住喇,我聽綠仔講,佢話Rowena姐姐照顧得佢地好細心,好鍚佢地。我地一d去Pat姐姐屋企,一d去Rowena姐姐屋企,掂!
彩虹小甜甜:唔……都好,咁我都定d。
殺牠死: 大家醒定d,睇住SillyGirl,有乜唔對路既話,我地就立即行動。
知道!…… 收到!……你記住啦,睇實SillyGirl啦。………
花花私語 第四回 道老伯談種花真諦
道可道:好彩呢幾晚無咁熱,如果仲好似上兩個星期咁熱,我d老根老葉都怕捱唔住,要去堇天堂囉。
彩虹小甜甜: 道伯伯,你唔好咁講啦,你老當益壯,長命廿載架。
道可道:甜甜,你最識氹我開心。
彩虹小甜甜:道伯伯,我講真架。雖然你大過殺牠死大哥好多,但係呀,睇起上來,你d葉啦、根啦,同佢唔差得幾多,如果我好似道伯伯咁老時,似得你依家咁樣就好啦。
花塔餅:係呀,我都係咁諗。道伯伯,你點樣可以keep 得咁fit?教下我,等我又one 磨,two磨。
殺牠死:係囉,道伯伯,講d心得來聽下,等我地d後輩學下野都好。
道可道:你地個個都咁好學,真係乖。其實道理好簡單,順其自然囉。
彩虹小甜甜:道伯伯,咁即係點呀?
道可道:道可道,非常道。
花塔餅:道伯伯即係道伯伯,講野成日都係咁玄。
彩虹小甜甜:殺牠死大哥,咁你明唔明?
殺牠死:甜甜妹妹,我道行淺,或者到我好似道伯伯咁老時,都怕且明卦。
道可道:大個就明架啦,好夜喇,大家早d瞓啦。
彩虹小甜甜:原來咁夜喇,點解SillyGirl仲未返?
花塔餅:梗係又係開會啦,佢老細short架,時時都係下畫四五點至話開會,一開就幾個鐘。
彩虹小甜甜:係呀,佢老細最鍾意講野,你問一句,佢呀,可以講足成個鐘唔停。
殺牠死:咪係,正一你講一句,佢頂萬句。
道可道:無法啦,依家搵食艱難,有得做都好過無得做。
殺牠死: 道伯伯,我都知搵食艱難,但係人地有屋企架。我估果d人,一係無屋企,一係無人等佢地返屋企,再唔係,就係同屋企人唔o岩。你話呀,邊有人夠鐘放工,都唔想番屋企!
花塔餅:果d就係唔係人,咪唔想走囉!
道可道:正所謂,一樣泥種百樣花,人咪又唔係一樣。
彩虹小甜甜:希望SillyGirl頂得住啦。
窗外明月清風,可是,有幾多人能放下心中所求所慾,好好去享受呢?
花花私語 第三回 賣病花奸商太無良
殺牠死: 真離譜!真係無講錯,奸商奸商,無奸不商!
彩虹小甜甜:殺牠死大哥,好地地,做乜咁嬲?
殺牠死:滴答糖同我講,佢屋企中左招!
花塔餅: 乜野事?中左乜野?係唔係SillyGirl中左六合彩,係就發達啦,日日有冷氣嘆啦喂。
殺牠死:你食肥食懵左,亦或對得老懵董多,我係講緊滴答糖屋企中左招。
花塔餅:一時耳背唧,係呢,點解滴答糖屋企咁唔好彩?
殺牠死:咪就係d奸商,將d中左招既花花賣畀人,d花花去到滴答糖屋企,一時無隔離,又無預防,咁就散開左。
花塔餅:知唔知中左d咩?
殺牠死:係棉花蟲。
花塔餅:都算好彩,如果係mite,就全家……
彩虹小甜甜:喂喂,殺牠死大哥,滴答糖有無中招呀?
殺牠死:中左,佢畀d殺蟲水薰左幾日,得番半條命咁,好彩佢好似我咁,夠強夠壯,頂得住,依家無乜事,d奸商認真衰。
彩虹小甜甜:好彩呢度咁耐都未試過,touch wood,如果中左,我都唔知捱唔捱得住。
殺牠死:甜甜妹妹,放心啦,有我係度,無有怕,佢地夠膽來既,一於……殺……牠……死……!
窗外依然艷陽高掛,藍天白雲,確是令人心曠神怡。
花花私語 第二回 眾小堇嚷著要搬家
遠處傳來一陣嘈吵聲……有無攪錯呀,困住我地咁耐……黑麻麻,放我地出去呀!……不見天日,水又無得飲,想謀殺呀!……蛋散,我好驚,嗚嗚……你唔好喊,等我再叫大聲d,一定要叫到有人放我地出去…… 有無人呀?搵個人應下我地都好呀!喂!!!……
彩虹小甜甜:咦?邊個一早咁嘈呢?
花塔餅:甜甜妹妹,早晨!你今日咁早起身?
彩虹小甜甜:早晨,花塔餅。原本瞓得好好,唔知邊個一早係度咁嘈,嘈醒左。
花塔餅:係喎,邊個咁嘈呢?喂,邊位呀?咁早,嘈住人地瞓覺架。
蛋散:我地呀,我地想出來呀!
花塔餅:你地係邊度?點稱呼?
蛋散:我叫蛋散,我地係個紙袋入邊!
花塔餅: 蛋散老兄,我叫花塔餅,你地乜野事?
蛋散:花塔餅,我地係個袋入面好多日,呢度黑麻麻,來左咁耐水都未飲過,我地好口渴。d細既又好驚。
花塔餅: 甜甜妹妹,我估又係SillyGirl係公司帶佢地番來分苗、換盆,放係度無理佢地。
彩虹小甜甜: 唉,上幾次又係咁,丟低十幾日唔理。
花塔餅:等我同佢地講聲,叫佢地唔使咁擔心。喂!蛋散老兄,你地唔使擔心,之前都有廿幾三十個兄弟姐妹都係咁,SillyGirl 將佢地丟低十幾日唔理,之後換左盆,飲左水,無事啦,你叫d細既唔使驚。
蛋散: 花塔餅,你知啦,呢度黑麻麻,不見天日,又無水飲,唔驚就假。希望SillyGirl快d幫我地換盆,畀d水我地飲。
花塔餅:蛋散老兄,我地都唔係好得過你地好多,果個SillyGirl記得就畀d水我地飲,唔記得,成個禮拜水都無滴,d泥乾到些少風都吹得走,上次仲離譜,大熱天時,出街連風扇都唔記得開,你話呀,果個SillyGirl學咩人種花!
彩虹小甜甜:係呀係呀,咁無記性就唔好種花啦,H2O同我講,佢話係Pat姐姐屋企個時不知幾好,Pat姐姐照顧得佢地好好,水啦,肥啦,溫度啦,濕度啦,哎,我都講唔到咁多,總之樣樣都剛剛好,如果果個SillyGirl仲係咁,我地一於搬去Pat 姐姐屋企住!
蛋散:甜甜妹妹,Pat姐姐屋企真係咁好?我都想搬去住。
彩虹小甜甜: Of Course!
……我又去! …… 我都去!…… 記得叫埋我!……
"西九"能,為何"皇后"不能?
此乃官怕商之結果也。
當年班文化人嘈到拆天,話點可以單一地產商獨大,煲呔等人啋到唔啋佢。之後,地產會阿頭出來大鬧:「條友肥到襪都著唔落,仲益佢?」煲呔咪乖乖地推倒重來。
今日"皇后",得班小民嘈,煲呔啋你都傻!又唔係你班小民捧佢上位,邊使理你,你都 SHORT架。
煲呔有今日,都係班大商家捧佢,佢唔聽班大商家話,點有份工做呀。
若果有普選,做特首既點都要聽下小民既聲音。
2007-08-10
Allegro Winsome Pink 一門三傑
2007-08-09
一輪紅日
今日北京,明日香港?
六月到北京跑了幾天,實在令人吃不消,空氣差極,同行的都如是說。
傍晚抬頭一看,小小的一隻咸蛋黃掛在西邊,可天空卻是灰濛濛的。若天空是灰,應該是陰天啦,不會看見太陽。如果看得見太陽,那就是晴天,天應該是藍的啦。
朝對面望去,只是對面馬路,大廈都是灰灰的,想想,真嚇人,繼續下去,數十年後,天曉得幾多人患肺病。
跑去王府井大街看看,滿街都是掘地鑽土機,”轟隆””轟隆”的,吵得人都癲。胡亂找點吃的,趕快跑回酒店去。
人在北京,好想快點回香港,就算不太藍的天空,也比北京好。
幸好香港還有許多團體,不時指出香港的環境變差了,提醒大家要保護環境、愛護大自然。在北京時,跟當地人談起北京的空氣,他們都不當一會事呢。

Breezy Brea
Kiss 'n' Tell
2007-08-08
花花私語 第一回 俏妹妹憂一夜白頭
彩虹小甜甜:今日天氣真係熱,成三十幾度,熱得我周身唔舒服,SillyGirl幾時至返來呀?
花塔餅: 今日又真係幾熱,不過呢,俗語有云:心靜自然涼。
殺牠死:你兩個靜d啦!嘈嘈嘈!!!
彩虹小甜甜: 喂呀,殺牠死大哥,小妹呻句唧,你唔好咁大聲,嚇到班細既震晒。
殺牠死: 果個SillyGirl幾時返?冷氣唔開都算啦,出街都要記住開風扇,真係離晒大譜,@$ …… (下刪五十字)
花塔餅:殺牠死大哥,你咁嬲,咪熱上加熱,等我唱首歌幫大家消消暑…. lala….la….
殺牠死:STOP STOP STOP!好難聽呀!
花塔餅:唉,好心無好報。
彩虹小甜甜:喂喂,花塔餅呀,算吧啦,咪攪到佢好似呀邊個,呀邊個呢?呀,YY博士果d咁,一夜之間,嗚嗚….. 真係聞者傷心,見者流淚…. 嗚嗚……
花塔餅:甜甜妹妹,你唔好咁傷心啦,花去花還在,六個月後又一棵好花。
彩虹小甜甜:咁又係,雖然我地唔係好熟,但係都叫做見過下面,咁就無….
殺牠死:係囉,話時話,我都見過佢一次,佢果陣幾好架,忽然間就話無左。
彩虹小甜甜:乜你唔發脾氣喇?
殺牠死:頭先熱得滯至係咁,唔好嬲。知唔知點解攪成咁?
彩虹小甜甜: 唔知呢,聽見SillyGirl同佢d fan 講得慶高彩烈,突然間無晒下文,攪到我幾晚瞓唔著。
花塔餅: 幾晚瞓唔著?點解呀?
彩虹小甜甜: 我怕自己唔知會唔會好似佢咁樣?一夜之間 ….
殺牠死:唔好咁傻啦,咁易咩,實係有暗病,我話既,d人曚查查就真,呢個世界邊有一夜白頭d咁既事,你估家陣做戲。
彩虹小甜甜:殺牠死大哥,你都講得幾有道理。
花塔餅:係囉,甜甜妹妹,我唱首歌畀你聽,等你開心番。la….lala…
彩虹小甜甜:得啦,得啦,我無事,你唔使唱啦。咦?開門聲,梗係SillyGirl返來啦!
窗外藍天白雲,艷陽高掛,真是美好的一天。