花花私語 第三回 賣病花奸商太無良

殺牠死： 真離譜！真係無講錯，奸商奸商，無奸不商！

彩虹小甜甜：殺牠死大哥，好地地，做乜咁嬲？

殺牠死：滴答糖同我講，佢屋企中左招！

花塔餅： 乜野事？中左乜野？係唔係SillyGirl中左六合彩，係就發達啦，日日有冷氣嘆啦喂。

殺牠死：你食肥食懵左，亦或對得老懵董多，我係講緊滴答糖屋企中左招。

花塔餅：一時耳背唧，係呢，點解滴答糖屋企咁唔好彩？

殺牠死：咪就係d奸商，將d中左招既花花賣畀人，d花花去到滴答糖屋企，一時無隔離，又無預防，咁就散開左。

花塔餅：知唔知中左d咩？

殺牠死：係棉花蟲。

花塔餅：都算好彩，如果係mite，就全家……

彩虹小甜甜：喂喂，殺牠死大哥，滴答糖有無中招呀？

殺牠死：中左，佢畀d殺蟲水薰左幾日，得番半條命咁，好彩佢好似我咁，夠強夠壯，頂得住，依家無乜事，d奸商認真衰。

彩虹小甜甜：好彩呢度咁耐都未試過，touch wood，如果中左，我都唔知捱唔捱得住。

殺牠死：甜甜妹妹，放心啦，有我係度，無有怕，佢地夠膽來既，一於……殺……牠……死……！


窗外依然艷陽高掛，藍天白雲，確是令人心曠神怡。