英國白麵包

英國白麵包(麵包機食譜）











麵包機： 象印 Zojirushi BB-HAQ10

材料：
酵母溶液
180g暖水(45° C)
5g砂糖
4g(1茶匙)乾酵母 (Lowan instant dried yeast)

麵糰
15g牛油，已溶
250g高筋麵粉(strong white bread flour)
5g砂糖
5g鹽


做法：
一) 將暖水放入麵包機內盆，加5g砂糖拌勻，加乾酵母，侍兩分鐘，拌勻，靜置八分鐘，待出現氣泡備用。
二) 餘下材料依序加入麵包機內盆，或按麵包機指示放入材料。
三) 材料攪拌五分鐘後，檢查麵團會否過乾或過濕。如果太濕的話，可加一至兩湯匙麵粉。太乾，加半湯匙至一湯匙水。每次加一湯匙麵粉或半湯匙水，觀察麵團濕度，決定是否再添加麵粉或水。
四) 選擇”basic/white”，”500g/1 pound”，"light/低黃金度"。
五) 完成程序後，麵包脫模，待涼切片。

成績：
非常非常鬆軟，筋度十足，若麵包刀夠鋒利，切時只有很少麵包碎，味道淡淡，非常適合塗果醬，或做三文治。一次吃不完，涼透放入密實盒，第三天仍很鬆軟呢！

貼士： 先把酵母加暖糖水拌勻，待十分鐘，再添加餘下材料，可令麵包鬆軟可口。


倒進所有材料








混合材枓








搓揉麵糰








搓揉成糰








開始發酵








出爐








牛奶麥皮and芝士蛋治，美味早餐。









參考食譜： 「手作麵包」之山型白麵包

蘋果果醬

材料： 蘋果600g，麥芽糖150g，砂糖200g，檸檬一個，水500cc。

做法：
一）檸檬洗淨榨汁，皮切碎粒。
二）蘋果去皮去芯，切細粒，倒進耐酸鍋中，先加入檸檬汁和皮，中火煮滾，轉小火，再加入麥芽糖，用木杓不停攪拌熬煮。
三) 待麥芽糖完全溶化，加入砂糖繼續拌煮至濃稠，待涼入樽即成。

自家製果醬配自家製麵包，既健康又美味。

AV號外！

（本報訊）據AV界權威消息人士透露，近日AV界出現既中mites狂潮，源頭乃係發瘟花場，查該花場出品，早於二零零五年頭已經出事，唯AV中人尚未知曉，仍買花 自種，到年中陸續傳出多人中招，一時人心惶惶，不可終日。眾人左思右想，想及出事人都曾於此花場買花，懷疑源頭係此花場，明查暗訪後，証實確係此花場散播。眾人遂決定以後不買此花場既出品，以絕後患，更兼奔走相告，以防他人中招，全軍盡墨。

AV界權威消息人士續說，有人心知肚明此花場出品有問題，仍不斷辦甚麼甚麼參觀遊玩團，到訪此花場，不知情者買了中招花苗，回家不久，新花舊株，一律無一幸免。

有AV界不願出名人士對本號外記者說，其朋友Q先生幾十棵AV不出一星期，全部魂歸天國，極之傷心，Q先生朋友L小姐亦然，兩人天天牛衣對泣。AV界不願出名人士續說，他的另一位朋友，DVD君(化名)，近日亦懷疑家中AV受感染，他曾於兩個月前參加此花場一日遊，眾人起哄下，購下五棵小苗，近日小苗中心出異樣，查看其他AV，亦有類似情況，擔心不已。

AV界權威消息人士呼諭，不想中招的話，不要再購買懷疑有問題既花苗，免得日後全軍覆沒時，後悔莫及。亦敦請心知肚明者，勿再累人累物，發發好心，停辦參觀遊玩團，造福AV界。

紅莓核桃包 (麵包機食譜)

紅莓核桃包 (麵包機食譜)











麵包機： 象印 Zojirushi BB-HAQ10

材料：
酵母溶液
2湯匙+2茶匙暖水(45° C)
2/5茶匙砂糖
1-1/4茶匙乾酵母 (active dried yeast)

麵糰
2/3杯buttermilk
1湯匙牛油，已溶
2湯匙蜜糖
2/3隻蛋
2杯+4湯匙高筋麵粉(strong white bread flour)
2湯匙+2茶匙原粒麥片
1/8茶匙梳打粉
1/4茶匙玉桂粉
3/4茶匙鹽
1/2杯紅莓乾
1/3杯碎核桃

做法：
一) 將暖水放入麵包機內盆，加2/5茶匙砂糖拌勻，加乾酵母，侍兩分鐘，拌勻，靜置八分鐘，待出現氣泡備用。
二) 除乾紅莓和碎核桃外，餘下材料依序加入麵包機內盆，或按麵包機指示放入材料。
三) 材料攪拌五分鐘後，檢查麵團會否過乾或過濕。如果太濕的話，可加一至兩湯匙麵粉。太乾，加半湯匙至一湯匙水。每次加一湯匙麵粉或半湯匙水，觀察麵團濕度，決定是否再添加麵粉或水。
四) 麵包機搓麵糰時，”咇”聲響起時，加入乾紅莓和碎核桃。
五) 選擇”basic/white”，”500g/1 pound”，"regular/中黃金度"。
六) 完成程序後，麵包脫模，待涼切片。若麵包刀鋒利，可趁熱切片食用，更加滋味！

成績：
非常鬆軟，紅莓乾甜甜酸酸，吃來很滋味，但核桃偏油，跟甜酸的紅莓不太配合，下次不用核桃，改菠蘿乾試試。一次吃不完，涼透放入密實盒，第三天仍很鬆軟呢！

貼士： 先把酵母加暖糖水拌勻，待十分鐘，再添加餘下材料，可令麵包鬆軟可口。如果沒有buttermilk，可用同份量牛奶，把一湯匙牛奶換轉一湯匙白醋，拌勻備用。

倒入所有液體








除乾紅莓和碎核桃外，加入餘下材料。








攪拌麵糰








添加紅莓及合桃








攪拌成糰








第三次發酵








焗好了！








比內盆還高








開餐了！









參考食譜：http://allrecipes.com/Recipe/Cranberry-Walnut-Bread-2/Detail.aspx

Cranberry Walnut Bread (1 pound loaf)

INGREDIENTS
* 2 tablespoons and 2 teaspoons rolled oats
* 2 tablespoons and 2 teaspoons water
* 2/3 cup buttermilk, at room temperature
* 2/3 egg
* 2 tablespoons honey
* 1 tablespoon margarine, softened
* 2 cups bread flour
* 3/4 teaspoon salt
* 1/8 teaspoon baking soda
* 1/4 teaspoon ground cinnamon
* 1-1/4 teaspoons active dry yeast
* 1/2 cup dried cranberries
* 1/3 cup chopped walnuts

士多啤梨果醬

材料：士多啤梨600g，麥芽糖150g，砂糖150g， 檸檬一個。

做法：
一）檸檬榨汁備用。
二）士多啤梨去蒂洗淨瀝乾，加入砂糖，輕輕拌勻，靜置三十至六十分鐘，待砂糖完全溶解，士多啤梨釋出果膠。
三) 士多啤梨連糖倒進耐酸鍋中，先加入檸檬汁中火煮滾，轉小火，再加入麥芽糖熬煮，一邊煮一邊用木杓攪拌，煮至濃稠，待涼入樽即成。

註：煮時會有白色泡沫，用不銹鋼湯杓撈去。

自家製果醬配自家製麵包，既健康又美味。

相親相愛

老竇，

不論環境如何惡劣，我們依然在一起。









大妹

我家盆栽近況

今年八月，朋友送的Gloxinia erinoides 'Red Satin' 和 Chirita lavandulacea，Red Satin 長了許多花，湊近聞來，是有點味道，但不能確定是不是牛奶味。Chirita lavandulacea 種了四個月，都只有一片葉，戲稱"窗台上的一片葉〞，兩星期前開始長新葉，換大一號盆，兩片小葉也大了一點。

Red Satin 很易種，摘一節頂芽插泥中，泥土保持濕潤，約一星期多便出根了，比非洲紫羅蘭快許多。

去年買的國蘭，晚秋時長花蕾，現在也開花了，新手種國蘭，今趟只得四朵花，希望日後有進步，能長多一點花蕾。

Gloxinia erinoides 'Red Satin'

Chirita lavandulacea ..........國蘭

黑芝麻番薯包 (麵包機食譜)

黑芝麻番薯包 (麵包機食譜)



麵包機： 象印 Zojirushi BB-HAQ10

材料：
酵母溶液
1/4杯暖水(45° C)
1/2 茶匙砂糖
1茶匙乾酵母 (active dried yeast)

麵糰
1/2杯牛奶
一湯匙牛油，已溶
2杯減一湯匙高筋麵粉(strong white bread flour) (約245g)
1湯匙 Vital Wheat Gluten
1湯匙+1茶匙砂糖
1/2茶匙鹽
1湯匙黑芝麻粉
50g生蕃薯，切成5mm小丁

做法：
一) 將暖水放入麵包機內盆，加半茶匙砂糖拌勻，加乾酵母，侍兩分鐘，拌勻，靜置八分鐘，待出現氣泡備用。
二) 除蕃薯丁外，餘下材料依序加入麵包機內盆，或按麵包機指示放入材料。
三) 材料攪拌五分鐘後，檢查麵團會否過乾或過濕。如果太濕的話，可加一至兩湯匙麵粉。太乾，加半湯匙至一湯匙水。每次加一湯匙麵粉或半湯匙水，觀察麵團濕度，決定是否再添加麵粉或水。
四) 麵包機搓麵糰時，”咇”聲響起時，加入番薯丁。
五) 選擇”basic/white”，”500g/1 pound”，"regular/中黃金度"。
六) 完成程序後，麵包脫模，待涼切片。若麵包刀鋒利，可趁熱切片食用，更加滋味！

成績：
非常鬆軟，很好吃！一次吃不完，涼透放入密實盒，第三天仍很鬆軟呢！

貼士： 先把酵母加暖糖水拌勻，待十分鐘，再添加餘下材料；另，一湯匙Vital Wheat Gluten換掉一湯匙高筋麵粉，Vital Wheat Gluten增加麵粉筋度，兩者皆令麵包鬆軟。

製作麵糰








添加番薯丁








搓成麵糰








第一次發酵








第三次發酵，發酵完成，開始烘焗。








焗好了！








比內盆高








鬆軟可口









參考食譜： 黑芝麻番薯包(象印麵包機食譜)
3/4杯水
2杯高筋麵粉(strong white bread flour)
1-1/2湯匙砂糖
1-1/2湯匙脫脂奶粉
1/2茶匙鹽
1湯匙牛油
1湯匙黑芝麻
1茶匙乾酵母
50g生蕃薯，切成5mm小塊

花開花落

老竇，

超迷岩呢幾日開花喇，d岩桐頭仔係舊年用種子種既，春天時開花，一路開到初夏，夏天佢要休眠，到秋涼時再種，依家又開花。

正是花開花落，沒有永遠，卻循環不息。



大妹

我的超迷你岩桐

香港天氣，適宜種植岩桐，種植方法跟非洲紫羅蘭大致一樣，雖然都是怕熱，但植株本身長有球根，初夏時，把整棵植株連根拔出來，只留球根，去掉泥根，待乾，放盒內，待秋涼時上盆，不久出芽長葉，約兩個月出花。

Sinningia Rio das Pedras sp

十月八日


十一月一日


十一月廿二日

種植大岩桐

大岩桐，多年生肉質球根草本花卉，英文稱Florist’s Gloxinia，學名Sinningia speciosa，它是Sinningia 屬的一員，原生巴西，與非洲紫羅蘭(African Violet) 同屬苦苣苔科。

春天及秋冬適合大岩桐生長，若照顧得宜，可不斷開花。花朵鈴形，有單瓣和複瓣，花瓣有縐邊和不縐邊，表面有絨毛，顏色有白、粉紅、紫和藍，部份花朵中心白色或帶白邊。葉對生，長橢圓形，表面長有密絨毛。

繁殖 ─ 繁殖大岩桐，可用種子、球根，插葉或插莖。球根栽種，春天栽種，兩至三個月後即可出花。用種子的話，大概六個月後開花，如在溫暖環境播種，小苗生長快速，少於六個月亦可開花。

植料 ─ 最好輕盈保水，中性至微酸，酸鹼值5.5至6.5，建議用半份泥炭土，四份一份金泥，四份一份大粒珍珠岩混合。

種植球根時，凹的一面向上，覆蓋一層薄泥，輕拍球根傍邊的泥土，然後澆水。

光源與溫度 ─ 大岩桐喜愛明亮散射光和溫暖的環境，日間24 °C，晚上18 °C最合宜。

澆水與施肥 ─ 切勿缺水，澆水時注意勿弄濕葉片。大岩桐喜高濕，乾燥時，可在植株傍放置一杯水或一淺盆水，增加濕氣。每次澆水時，可同時施肥，建議使用15-15-15平均肥，份量參照說明，避免施用高鉀肥或帶尿素肥料。

開花 ─ 大岩桐對環境極之敏感，若果環境改變，會影響其生長。如果根部不能伸展，會令生長停頓，植株細小，花量減少。一棵單株大岩桐，可開廿多朵花。剛出花蕾時，如果把最初出的兩個花蕾摘去，其餘花蕾可同時開花，煞是壯觀。

花開過後，植株開始凋謝，接著休眠。此時應減少澆水，當全部葉枯萎後，停水兩至四個月，亦可將株植株連根拿出，剪掉莖葉，只留球根，放在盒中，保持乾爽，待秋涼時，重新種植。

疾病蟲害 ─ 家居種植，大岩桐甚少染病。注意勿過份澆水，大部份問題都是因澆水過多，爛根所致。葉片易受凍水傷害，故小心勿讓葉片沾水。蟲害方面，包括蟎和薊馬。

循環不息

老竇，

今日又暖返，十足初秋，但係依家係十一月中，立冬都過左，氣候變暖無得走，d人短視，食到盡，用到盡，好快玩完。

我信世界係循環不息，無晒人，又有其他生物代替，太陽無左，又會變出另一個星體，宇宙無左，又有另一個誕生。

老竇，瑪雅文化話，二零一二年既十二月廿三日係一個文明既結束，我諗唔係世界末日，係另一個文明既誕生，或者到時人類卒之醒覺，好好愛護地球，你話會唔會？

大妹

遲來的秋天

老竇，

呢幾日凍番好多喇，一跌跌左十幾度，拿拿聲摷番d冬天衫出來。

媽媽好叻，雖然佢無讀過書，但係好醒目。早果輪煲呔曾話加生果金，要審查至有得畀，媽媽話留番d錢甕你咩。哈哈～～

老竇，你娶到媽媽，真係醒。

大妹

生而為何？

老竇，

Obama 贏左喇！新世代新作風，會唔會成個世界都因此改變呢？

今日好攰，人生為乜？呢個世界又為乜喺度？西洋既時間觀念係直綫，中國既係周而復始，咁呢個宇宙係直綫一去無回頭，定係周而復始、循環不息？

大妹

美國總統大選

老竇，

美國總統大選，投緊票喇！誰勝誰負，明日中午知道結果，如果有份投，我投Obama。

Change, We Need。唔單止美國，香港都係，香港早日一人一票選特首，立法會所有議席都一人一票選出來。

大妹

你他媽的，煲呔曾！

屎橋度盡，cut老人家生果金，你唔死無用！話唔想廿五年後ｄ後生要一個飬兩個，如果ｄ人掂既，搵到錢，一個餋十個都仲得，你自己攪唔掂個社會，一日剩係識照顧大財團既利益，唔理小市民捱得幾淒涼，家下裁員潮又來喇，你梗話金融海嘨，係外圍因數，政府攪唔掂，攪唔掂就唔好霸住個位，你唔掂有人掂，我地小市民唔想好似你咁，等死呀！

你同你班廢柴局長、副局長、政治助理，個個年薪百幾餅到幾百餅，仲有果個年薪千萬既食塞米任一招，你地人工個零頭既零頭都多個生果金唔知幾多倍，你他媽的煲呔曾，老人家既生果金都要cut！舊年大加公務員人工，呢畢數cut少少出來，畀少ｄ著數地產佬，留番少少富貴人家既紅酒稅，加加埋埋，夠畀老人家買野食有突喇！

你話後生仔負擔重，又要餋老人又要餋細路，所以cut生果金，如果政府唔畀生果金，後生仔學晒你唔畀錢老人家，老人家等死呀！

你唔好屈d後生仔唔想畀生果金老人家，後生仔唔會好似你咁涼薄，剩係顧自己唔顧人，你好彩，大把錢，你d仔唔餋你，政府唔養你，你打跛腳都唔使憂，幾多老人家，買個麵包都諗過度過，好多老人家住緊早年買落既舊樓，得番些少棺材搣搣下，佢地唔夠資格攞綜援架！老人家捱左幾十年，多多少少都貢獻過社會，你他媽的煲呔曾，連少少生果金都要cut，你仲係人？

毓民你真無用，枉你坐喺前排第一行，對正你他媽的煲呔曾，掟隻蕉都掟唔中，再掟唔中既話，同d老人家遊行抗議你無义用。

一咭傍身保平安

Confessions of a Subprime Lender - Richard Bitner
1. 永不相信房地產經紀
2. 永不相信按揭代理商
3. 永不相信估價人員
4. 永不相信華爾街與評級機構
5. 永不相信惡名昭著的金融界遊戲規則

華爾街與塗上口紅的豬 - 葉輝
6. 永不相信銀行職員的推銷

SillyGirl
以後去銀行，好似煲呔咁，袋定張咭喺衫袋或者褲袋，銀行職員講乜，都拎張咭出來睇，咭上寫住"永不相信銀行職員的推銷！"幾個大字。

一個麻木不仁 一個喪心病狂

一段心酸的日子…

呢個幾月，剩係得兩單嘢，一單美國既雷曼兄弟銀行執笠，引發全球金隔海嘯，香港不少人買左雷曼債券，家下不知幾傍惶，分分鐘渣都無，當中有唔少係畢生積蓄，更且係一分一毫咁樣儲番來，咬開有血有汗。其中有部份平時做開定期，銀行同佢地講，依家d息咁低，有無諗過將d錢放喺第二度賺多d息？呢樣同定期無分別，息會高d。查實，利息不過比定期高一厘，但係風險奇高。爆左出來，好多專家都話呢d毒債券複雜，佢地都要睇好耐，至知舊嘢賣d乜。

依家爆煲，雷曼冚旗，買左累人債券既，分分鐘全家富貴。苦主唯有四處奔走投訴，望能攞番血汗錢。

賣毒債券既無良，話人輸打贏要既係麻木不仁。

另一單，就係人地偉大祖國，有大品牌廠商賣毒奶粉，隻奶粉係畀BB食架!!!BB食左呢d毒奶粉，會生腎石，有BB因此死亡，有本地泌尿科醫生話，BB生腎石，分分鐘要成世洗腎。BB都毒既人，快d死，打落十八層地獄，永不超生。

賣毒奶粉既喪心病狂，包庇賣毒奶粉既喪盡天良，隱瞞真相既埋未良心。

給克勤哥哥的信

Dearest 克勤哥哥，

仲記唔記得我地呀？我地係永遠都支持你果班學生哥呀！我地好羡慕你，你篇網誌出左幾日，就有四百幾個回應，仲唔計刪左果d，你真係叻！

我地將你呢篇網誌背熟左，準備考作文時用，一定攞滿分，到時你要請我地去荔枝團架。

克勤哥哥，我地今日好激氣！ 今日我地成班同學諗住搵份part-time做，搵番多少pocket money，見工時老闆問我地最叻做d乜，要幾多人工。我地話最叻影印，人工七皮一個月啦，收少你架喇。點知個老闆粒聲唔出走左出去，跟住攞把掃把入來，將我地掃地出門，真係無良！

克勤哥哥，立法會開鑼，你一定要立最低工資，最少七萬一個月，咪等果個無良顧主以為我地呢班學生哥好好蝦，我地有克勤哥哥撐架！

一群永遠支持克勤哥哥既學生哥上

+ + +

親愛的克勤哥哥，

我地最聽克勤哥哥話，所以今日我地喺學校響應克勤哥哥全民驗"殊殊"計劃，為左保証同學無襯出去食晏時，食埋晒d古靈精怪野，同學食完晏返學校，人人都要驗"殊殊"，點知又畀老師罸企教員室門口，今次仲要人人掛個牌，雞乸咁大隻字寫住"下幼低B班最無恥！"…嗚嗚！

克勤哥哥，你今次一定要幫我地出氣，要正式譴責校方迫害學生。

一群永遠支持克勤哥哥既學生哥上

+ + +

克勤哥哥，

我地最鍾意聽你唱歌，特別係英文歌，有同學仲將你個最新歌曲做左電話鈴聲，佢好好人，俾埋我地用，我地成日你打電話俾我，我打電話俾你，就係為左聽你首歌，點知今朝老師聽見，佢話我地鹹濕，要我地全部電話刪左隻歌，仲要我地喺教員室門口罸企，嗚嗚。

我都鍾意克勤哥哥，鍾意你唱歌唱得好，又想聽歌學英文，點知老師咁蠻不講理！

克勤哥哥，你喺立法會，一定要為我地學生哥爭取人權！

一群永遠支持克勤哥哥既學生哥上

傻女俠信箱

傻問Q1 ：乜野係專家？
傻答A1 ： 專業栽培病蟲蟎害非洲紫羅蘭既園藝家。賣一送一千(蟎)，幾抵呀！

傻問Q2 ： 聽講用1:1000可以殺死d蟎，係真唔係？
傻答A2 ： 家居清潔都要用1:99喇，用1:1000殺得死d蟎，你信呀？恭喜你囉！如果1:1000真係得，果d由專家主理既花場農舍，都唔使三朝兩日咁落葯，仲係攪左兩三年都未掂。D葯樽上面寫住"毒葯"架！如果1:1000 得，邊個會咁冒險用葯呀。

傻問Q4 ： 點解d人咁鍾意中傷人，話專家主理既花場農舍，出售中左招既花畀人？
傻答A4 ： 唱衰一日，唱好三年。係人都揀易果隻啦！

傻問Q5 ： 有無辦法可以一百巴仙解決d極之討人厭既mites？
傻答A5 ： 既然看官咁畀面，下馬問前程，梗點條光明大道過你行！呢條獨步秘方，既環保，又安全，仲百份百有效。嗱，聽住啦。係……膠袋……一了百了，保証佢地永無翻身！夠毒卦，哈哈！

傻問Q6 ： d番網話種堇最好係18~21度，仲話超過27度，d花會減慢生長，同埋逐漸少花。但係蟲蟎大師主理既農舍成28度，仲同人講呢個係種堇最合適既溫度，咁炎夏時，幾時至要開冷氣？真"拗"頭！
傻答A6 ： 蟲蟎大師主理既農舍，以推廣非洲紫羅蘭為己任，謀利為副，花要食肥，人要吃糧，燈油火蠟，天一光就要錢，梗係呢度慳d，果度慳d，將冷氣機既溫度略略調高些少，年中都慳番唔少架。如果唔慳d，一旦大吉利是關門大吉，點推廣非洲紫羅蘭呀？最衰都係d人，做乜咁眼利，個溫度計已經細細個架喇，都畀佢地睇到。或者，遲d蟲蟎大師搜羅d"你睇唔到"既溫度計返來用都唔定。

傻問Q7 ： 嚴冬快過，炎夏又至，d花至話剛剛出蕾，真係驚趕唔切夏天前開花，你話種來為乜？
傻答A7 ： 唉，同聲一哭！

傻問Q8 ： 既然係天地學堂，我都來學下野。請問點樣整又脆又唔肥膩既春卷？
傻答A8 ： 真係好事傳千里喇，d人咁快就知天地學堂開左張。"壇主"，你老懷安慰啦。
Well，言歸正傳，又脆又唔肥膩既春卷簡單昜整。去麵店買春卷皮，或者去超市買急凍既都得，如果係急凍既，按包裝說明解凍。餡料方面，各有喜好，注意，少少汁就可以，太多汁既話，d皮會唔脆。煮好餡料，攤凍，春卷皮放上餡料，捲好。昜潔平底鑊，塗薄薄一層油，放下春卷，細細火反覆煎至兩面金黃卜卜脆，食得！

傻問Q9 ： 想砌一個有8層既花架，建議每層應該幾高? 實逓日本城之類只有五六尺高咋，在那裡至買到有8層? 我屋企無花園又無十幾尺樓底o架，要放得落至好!
傻答A9 ： Easy 啦，買兩個日本城之類只有五六呎之層架，將之疊起，斷估你玩過層層疊卦，用電線紥起佢地，如果高得滯，鋸之哉！唔o岩鋸到o岩。每層應該幾高，你鍾意啦，我地好民主既！

注意 ： 一切風險，閣下自負，與本信箱無關！

傻問Q10 : 而家AV界有幾多隻十字葉品種??? 我見有D無知既井底之蛙話得3隻咋，真的嗎?
傻答A10 ：有幾多隻就唔清楚，肯定多過三隻，除左Rob’s既 Lucky Penny, Lucky Charm 和Lucky Ducky，仲有 Harmony's Little Stinker - (Harmony) Semidouble dark blue/variable white eye. Variegated medium and light green, cream.
如果有人話得三隻十字葉，原諒佢啦！

傻問Q11 ： 煲呔萬歲！，請問傻女俠，我地愛堇人士點做來響應煲呔呢？
傻答A11 ： 我會種好呢盆花！

傻問Q12 ："尋"晚明明睇緊翡翠台，忽然有人o係度講番話，以為部電視short左，跳左去明珠台。聽真d，其中一個都似d番文，不過另一個…唉，似足網上d翻譯器，逐隻逐隻中文咁譯英文，出番來，係呀，隻隻英文你都識，不過合埋就唔知佢講乜，就算跟足d online translator，譯返轉頭，都仲要執一輪至知佢講乜。睇真d，原來佢地都係"人"來架！傻女俠呀，究竟點解d"人"要o係翡翠台講番話呀？
傻答A12 ： Oh, really? It sounds interesting. Did you record it? If you did, can you share it with us? Or, upload it to YouTube? Oops…唔好意思，講左番話添。答番你既問題，搏d觀眾英文水平低，就算講錯文法，都無人知。奉勸 ：

兄台英文水平高
以後轉睇明珠台
唔使聽到頭都痛

傻問Q13 ： 好驚呀！真正個醜人不知羞蒲頭喇！使唔使報警呀?
傻答A13 ：999誰是真兇手？唔…我好鍾意睇架，早果輪電視重播，我都有睇，真係百看不厭。想搵番隻DVD珍蒧，各方好友，若然知道邊處有得賣，麻煩講聲呀，唔該！噢，問緊要唔要報警呵，岔開左添。 :p 唔使驚，驚就兩份，報乜鬼警呀，擔定凳仔睇醜劇好過啦。呵呵～

p.s. 記得錄低佢喇，分分鍾一夜之間"網"間蒸發架，又唔係未試過。

傻問Q14 ： 恭喜傻女俠新春愉快，一年靚過一年！傻女俠，我d fan今晚來我屋企拜年，間屋亂糟糟，執唔切，點算好？
傻答A14 ： 哈哈，多謝！Well，執屋之嘛，幾亂都無有怕，最緊要有地氈，將d污糟野，唔見得光既野，嘈喧巴閉既野，一野剷晒落地氈底，眼不見為乾淨，要幾和諧都得！

AV and Mites

非洲紫羅蘭和蟎害

侵害非洲紫羅蘭的蟎主要有兩種，cyclamen mites和broad mites，蟎極細小，單憑肉眼，很難看見，可用廿倍或以上放大鏡察看，蟎怕光怕熱，愛吸食葉的汁液，吸食汁液同時，注毒液入葉片內。

蟎傳染力廣，殺蟎葯甚毐，對人畜有害，用葯也極難根治，家居種植，切勿使用，一經發現，立即棄之，杜絕後患。

以下是染蟎病株圖片。





african violet mites